కుప్పకూలిన స్టాక్ మార్కెట్లు

దేశీయ స్టాక్ మార్కెట్లు ఈరోజు భారీ నష్టాలను మూటకట్టుకున్నాయి. అంతర్జాతీయంగా ఎలాంటి సానుకూలతలు లేకపోవడం ఇన్వెస్టర్లపై ప్రభావాన్ని చూపింది. దీనికి తోడు చైనా టెక్ సెక్టార్ దెబ్బతినబోతోందనే ఆందోళనలు మార్కెట్లపై ప్రభావాన్ని చూపాయి. దీంతో ఈ రోజు ట్రేడింగ్ ప్రారంభమైన వెంటనే మార్కెట్లు నష్టాల్లోకి జారుకున్నాయి. ఆ తర్వాత సూచీలు మళ్లీ కోలుకోలేదు. ఈరోజు ట్రేడింగ్ ముగిసే సమయానికి సెన్సెక్స్ 485 పాయింట్లు పతనమై 52,568కి పడిపోయింది. నిఫ్టీ 151 పాయింట్లు కోల్పోయి 15,727కి దిగజారింది.

బీఎస్ఈ సెన్సెక్స్ టాప్ గెయినర్స్:
టెక్ మహీంద్రా (1.44%), బజాజ్ ఆటో (0.62%), పవర్ గ్రిడ్ కార్పొరేషన్ ఆఫ్ ఇండియా (0.15%), హెచ్సీఎల్ (0.06%), ఇండస్ ఇండ్ బ్యాంక్ (0.04%).

టాప్ లూజర్స్:
టాటా స్టీల్ (-2.36%), సన్ ఫార్మా (-1.89%), డాక్టర్ రెడ్డీస్ (-1.82%), ఐసీఐసీఐ బ్యాంక్ (-1.74%), కోటక్ మహీంద్రా బ్యాంక్ (-1.68%).